Open To Sex

中大學生喺學生報入邊加咗份情色版,頓時引起各方激烈批評,好聽啲就話bad taste, 唔好聽就話咩淪為淫賤版。好多人,例如葉生對呢份成人刊物持嚴重否定態度,其實究竟有無必要呢?

我就咪睇過份報紙(邊位有唔該借來汲汲),淨系從星島日報嘅報導來睇嘅話,無非就系部分內容涉及人獸交、亂倫等情節。話明系討論性,肯定會講到呢啲野噶啦,如果話過於極端,咁只不過系啲老人家嘅念法,其實我哋呢一代後生仔,細細過已經開始睇鹹書,初中、高中(即系band6之前)已經接觸過另類性話題,到咗大學,對呢啲野已經見怪不怪啦,只不過一直系自己一個人匿埋一二角睇,無機會拎出來同大家討論。宜家終於有咗咁嘅平臺,各位同學終於可以將自己心中多年所思所想交流一下,咁樣肯定會有助於理性認識,有助於健康成長。

葉生話成份情色版都系講埋呢啲衰野,認為完全偏離性話題應有的嚴肅性,簡直勝過坊間嘅鹹書。其實如果真系有心做鹹書,一早就配圖啦,乜野武藤蘭啊,川島和津實啲相早就post曬出來啦,邊會只有啲文字咁枯燥。而且鹹書點會問“你最想同咩動物做愛?”,而會問“你最想屌咩動物”, 唔會問“你會唔會幻想過同阿爸阿媽兄弟姊妹做愛?”,而會問“妹妹性奴隸養成計畫,你想加入嗎?”。況且,人地都無完全講呢啲啊,“你最想系中大邊度做愛”就系一個最正常不過嘅問題。至於刊登女生性幻想嘅細節,我唔覺得有咩問題,話明討論啊嘛,就算涉及隱私,但系如果獲本人准許,又點解唔可以登呢?《YES》雜誌以前啲交流版仲出位啦(被廣州市政府封殺系另外一回事)。

“性話題無須權威去解答,否則會阻礙學生自由發表意見”,完全正確,所謂嘅權威意見,有腦嘅是但唸唸都知無非系嗰啲譖氣野,所以無討論嘅必要。“權威作答”同“自由發表意見”有咩關係?哽系有關係啦!大人講野,細路仔唔好插嘴啊嘛!你大大一個PROFESSOR嘅解答擺喺嗰度,引經據典,旁徵博引,睇都睇唔明,你叫我哋啲學生點反駁啊?你估個個都好似你葉生咁醒嘅咩?!

總之,葉生啲觀點將好多對呢件事持模糊態度嘅人拉到去反對一方,其實學生之間討論一下有咩大問題?美國啲大學仲誇啦,香港唔系國際大都市咩,點解小小嘢都要搞到咁大镬?

P.S. 中國大陸互聯網用戶可能無法訪問本文內容中部分引用鏈接

P.S. 2 中大學生報聲明下載

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.